528 REGISTRES

Lettres de lad. augmentation.

12 mars.

A tous ceulx qui ces presentes lettres verront, Nicolas Perrot, s^r Des Carneaulx el Du Courtil, Prevost des Marchans; et les Eschevins de la Ville de Paris : salut.

"Savoir faisons que, veu la requeste à nous faitte et presentée par m^e Jherosme Angenost, Procureur du Roy et de lad. Ville, disant par icelle comme à cause de sond, office il aict acoustumé d'avoir la somme de deux cens livres parisis par chascun an, assavoir cent cinquante livres sur le dommaine et cinquante livres sur les aydes, dons et octroys; lesquelz gages de longtemps ordonnez à ses predecesseurs ne sont à present suffisans, ayant esgard que la monnoye qui avoit cours entre le peuple, soixante ans a, estoit beaucoup plus forte qu'elle n'est à present, ce qui se peult juger par l'estimation du droict de robbe qui estoit avalué à c. sous tournois, qui valloientlors plus que ne vallent quinze livres dela monnoye presente; consideré aussi l'augmentation des peines, labeurs et sollicitudes que led. suppliant porte ordinairement pour l'exercice de sond, office, procedant lad. augmentation de peyne tant à cause dc la creuë du dommaine de lad. Ville, qui lors ne valloit que deux mil tant livres et à present vault de neuf à dix mil livres, que pour l'augmentation de nostre Justice laquelle est de beaucoup acreue, tant celle de la Marchandise de l'Eaue au moyen de l'accroissement et multiplication du peuple que celle des ventes et allienations faittes par le Roy de ses aydes, impositions et gabelles, qui sont en grand nombre; desquelles aydes et impositions le Roy nous a atribué la jurisdiction ; pareillement pour le faict de la soulde des cinquante mil hommes de pied in-troduitte puis douze à quinze ans, pour laquelle payer ont esté mys sus plusieurs nouvelles impositions, desquelles la jurisdiction nous a esté en semblable alribuée en premiere instance; la nouvelle l'ortiffication; et autres infiniz grans affaires qui s'offrent et surviennent plus en ung jour que le temps passé ne faisoit en ung moys : tellement que le suppliant est contrainct de laisser ses autres occupations pour vaquer ordinairement tant à la conduite des procès qui sont en grant nombre au nom de lad.Ville que au faict de la police qui nous apartient, en quoy led. suppliant souffre grande perte et dommage.

)U BUREAU [i558]

"Ces choses considérées, il nous pleust, eu esgard à l'afoiblissement des monnoyes, comme dit est, et grandes charges qu'il a à cause de sond, office que n'avoient ses predecesseurs, ordonner creues et augmentation de gages luy estre faitte de la somme de huit cens livres parisis par chascun an; consentant, en ce faisant, que aucune taxe ne luy soit faitte par cy après pour quelques affaires extraordinaires qui puissent survenir, fors au cas que led. suppliant allast dehors la ville pour les affaires d'icelle, à iceulx gaiges avoir et prandre pour l'advenir sur la recepte du dommaine de lad. Ville par sa simple quittance et sans autre acquict, et pour les deux années six moys depuis qu'il est receu aud. estat, se remect à nostre discrettion d'en ordonner.

"Laquelle requeste avons communiquée à aucuns de Mess™ les Conseillers de lad. Ville assemblez eu l'Hostel d'icelle; lesquelz, après lecture faitte de lad. requeste et la matiere mise en deliberation, ont conclud que : pour le bien de lad. Ville, on devoit augmenter les gaiges dud. Procureur de la somme de trois cens cinquante livres tournois sur le dommaine de lad. Ville, oultre lesd, deux cens cinquante livres tournois; et par sa simple quittance, à commencer du premier jour d'Avril prochain venant : à la charge qu'il dellaissera tout autre affaire, et vacquera ordinairement et songneusement à exercer led. estat; et n'aura"doresnavant nulle taxation s'il ne va dehors pour les affaires de lad. Ville. Et de laquelle augmentation Ie Receveur d'icelle fera chappitre à part, contenant la somme de lad. augmentation faitte sans esperance de taxe extraordinaire, après la my Aoust prochainement venant passée.

"Si donnons en mandement à m^e François de Vigny, Receveur de lad. Ville, de payer doresnavant lad. augmentation de trois cens cinquante livres tournois par an, aud. Angenost, des deniers du dommaine d'icelle Ville, par sa simple quittance, laquelle rapportant avec vidimus de ces presentes pour une foys à la redittion de ses comptes, lad. somme dc trois cens cinquante livres tournois ainsi augmentée luy sera allouée en ses comptes et rabatue de sad. recepte par tout où il apartiendra.

"En tesmoing de ce, Nous avons mys à ces presentes le scel de lad. Prevosté des Marchans.

r Ce fut faict le samedi douziesme jour de Mars W, l'an mil cinq cens cinquante sept. "

'i' Au Registre, par erreur : "unziesme».



	528 REGISTRES Lettres de lad. augmentation. 12 mars. A tous ceulx qui ces presentes lettres verront, Nicolas Perrot, s^r Des Carneaulx el Du Courtil, Prevost des Marchans; et les Eschevins de la Ville de Paris : salut. "Savoir faisons que, veu la requeste à nous faitte et presentée par m^e Jherosme Angenost, Procureur du Roy et de lad. Ville, disant par icelle comme à cause de sond, office il aict acoustumé d'avoir la somme de deux cens livres parisis par chascun an, assavoir cent cinquante livres sur le dommaine et cinquante livres sur les aydes, dons et octroys; lesquelz gages de longtemps ordonnez à ses predecesseurs ne sont à present suffisans, ayant esgard que la monnoye qui avoit cours entre le peuple, soixante ans a, estoit beaucoup plus forte qu'elle n'est à present, ce qui se peult juger par l'estimation du droict de robbe qui estoit avalué à c. sous tournois, qui valloientlors plus que ne vallent quinze livres dela monnoye presente; consideré aussi l'augmentation des peines, labeurs et sollicitudes que led. suppliant porte ordinairement pour l'exercice de sond, office, procedant lad. augmentation de peyne tant à cause dc la creuë du dommaine de lad. Ville, qui lors ne valloit que deux mil tant livres et à present vault de neuf à dix mil livres, que pour l'augmentation de nostre Justice laquelle est de beaucoup acreue, tant celle de la Marchandise de l'Eaue au moyen de l'accroissement et multiplication du peuple que celle des ventes et allienations faittes par le Roy de ses aydes, impositions et gabelles, qui sont en grand nombre; desquelles aydes et impositions le Roy nous a atribué la jurisdiction ; pareillement pour le faict de la soulde des cinquante mil hommes de pied in-troduitte puis douze à quinze ans, pour laquelle payer ont esté mys sus plusieurs nouvelles impositions, desquelles la jurisdiction nous a esté en semblable alribuée en premiere instance; la nouvelle l'ortiffication; et autres infiniz grans affaires qui s'offrent et surviennent plus en ung jour que le temps passé ne faisoit en ung moys : tellement que le suppliant est contrainct de laisser ses autres occupations pour vaquer ordinairement tant à la conduite des procès qui sont en grant nombre au nom de lad.Ville que au faict de la police qui nous apartient, en quoy led. suppliant souffre grande perte et dommage.	)U BUREAU [i558] "Ces choses considérées, il nous pleust, eu esgard à l'afoiblissement des monnoyes, comme dit est, et grandes charges qu'il a à cause de sond, office que n'avoient ses predecesseurs, ordonner creues et augmentation de gages luy estre faitte de la somme de huit cens livres parisis par chascun an; consentant, en ce faisant, que aucune taxe ne luy soit faitte par cy après pour quelques affaires extraordinaires qui puissent survenir, fors au cas que led. suppliant allast dehors la ville pour les affaires d'icelle, à iceulx gaiges avoir et prandre pour l'advenir sur la recepte du dommaine de lad. Ville par sa simple quittance et sans autre acquict, et pour les deux années six moys depuis qu'il est receu aud. estat, se remect à nostre discrettion d'en ordonner. "Laquelle requeste avons communiquée à aucuns de Mess™ les Conseillers de lad. Ville assemblez eu l'Hostel d'icelle; lesquelz, après lecture faitte de lad. requeste et la matiere mise en deliberation, ont conclud que : pour le bien de lad. Ville, on devoit augmenter les gaiges dud. Procureur de la somme de trois cens cinquante livres tournois sur le dommaine de lad. Ville, oultre lesd, deux cens cinquante livres tournois; et par sa simple quittance, à commencer du premier jour d'Avril prochain venant : à la charge qu'il dellaissera tout autre affaire, et vacquera ordinairement et songneusement à exercer led. estat; et n'aura"doresnavant nulle taxation s'il ne va dehors pour les affaires de lad. Ville. Et de laquelle augmentation Ie Receveur d'icelle fera chappitre à part, contenant la somme de lad. augmentation faitte sans esperance de taxe extraordinaire, après la my Aoust prochainement venant passée. "Si donnons en mandement à m^e François de Vigny, Receveur de lad. Ville, de payer doresnavant lad. augmentation de trois cens cinquante livres tournois par an, aud. Angenost, des deniers du dommaine d'icelle Ville, par sa simple quittance, laquelle rapportant avec vidimus de ces presentes pour une foys à la redittion de ses comptes, lad. somme dc trois cens cinquante livres tournois ainsi augmentée luy sera allouée en ses comptes et rabatue de sad. recepte par tout où il apartiendra. "En tesmoing de ce, Nous avons mys à ces presentes le scel de lad. Prevosté des Marchans. r Ce fut faict le samedi douziesme jour de Mars W, l'an mil cinq cens cinquante sept. "

	'i' Au Registre, par erreur : "unziesme».